Manastirliu takim me inspektorët e ISHSH: Intensifikoni kontrollet në terren, administratë dhe njësi tregtare
Nisur nga rritja e shifrave të pandemisë në vend, ministrja e Shëndetësisë dhe Mbrojtjes Sociale, Ogerta Manastirliu ka zhvilluar një takim me drejtuesit e Inspektoriatit Shtetëror Shëndetësor të të gjitha qarqeve në vend.
Përmes një postimi në rrjetin social facebook, ministrja Manastirliu thotë se u ka kërkuar intensifikimin e inspektimeve në terren. Po ashtu ajo theksoi domosdoshmërinë e kontrolleve për zbatimin e protokolleve anti-covid.
”Me drejtuesit e Inspektoriatit Shtetëror Shëndetësor, kërkova intensifikimin e kontrolleve për zbatimin e protokolleve anti-covid në të gjithë territorin si dhe verifikimin e masave për sigurimin e dokumentit të çertifikatave të vaksinimit, certifikatave të shërimit apo testin e antigenit në strukturat e administratës publike dhe njësitë tregtare që ofrojnë shërbime për qytetarët”.
