Mjekët në protestë për korrupsionin dhe testimin

Mjekët e spitalit Nënë Tereza kanë dalë sot në protestë kundër testimit që po organizon Ministria e Shëndetësisë si dhe çështjes së korrupsionit.

Para pak ditësh u filmua një infermiere e cila i mori 200 lekë një pacienti, një çështje që solli në dritë plagën e përhershme të spitaleve tona.

Profesori Tritan Kalo tha se po nëpërkëmbet dinjiteti i mjekëve dhe se ata janë kundër testimit.

Përsa i përket rastit të korrupsionit Kalo tha se nuk mundet një rast i veçuar të hedhë poshtë punën e gjithë mjekëve.

Një shqetësim tjetër i ngritur nga mjekët ishte dhe dhuna e ushtruar ndaj tyre.

Vetëm ditën e djeshme ka pasur dy raste të ushtrimit të dhunës ndaj bluzave të bardha kundër një mjekeje dhe një infermieri, të dy në krye të detyrës.