Një ngjarje e rëndë ka prekur familjen e deputetit të Partisë Socialiste, Loer Kume, i cili ka njoftuar ndarjen e parakohshme nga jeta të bashkëshortes së tij, Lorina.
Përmes një reagimi në rrjetet sociale, deputeti ka ndarë lajmin e trishtë, duke e përshkruar bashkëshorten si dashurinë e jetës së tij dhe nënën e dy fëmijëve të tyre.
Në mesazhin e tij, Kume shpreh dhimbjen për humbjen e saj dhe kujton lidhjen e gjatë mes tyre, duke theksuar se ajo ishte njëkohësisht bashkëshorte, shoqe, mbështetje dhe “busulla” e familjes.
“Sot kemi trashëgiminë e Lorit pas”, shkruan deputeti, duke vlerësuar forcën që bashkëshortja e tij tregoi gjatë betejës me sëmundjen.
Në reagimin e tij, Kume shprehet se familja dhe njerëzit që e kanë njohur do të ruajnë kujtimin dhe energjinë e saj.
Ceremonia e varrimit do të zhvillohet të shtunën, më 19 shtator 2026, ndërsa pritjet për ngushëllime do të mbahen të dielën, të martën dhe të mërkurën, nga ora 09:00–13:00 dhe 16:00–21:00.
Ceremonitë do të zhvillohen në Agjencinë Leba, në lagjen nr. 6, Rruga “Andon Naçi”, Durrës.