Ndotja e ajrit në Shqipëri, 1400 persona humbin jetën çdo vit

Në raportin e fundit mbi cilësinë e ajrit në Europë, Agjencia Europiane e Mjedisit thotë se Shqipëria është larg përmbushjes së kërkesave të BE-së për ndotjen.

Sipas kësaj agjencie, Shqipëria ka kaluar vijën e kuqe së bashku me vende si Kroacia, Polonia, Serbia dhe Bullgaria.

Si pasojë e ndotjes, në Shqipëri llogariten rreth 1400 vdekje të parakohshme në vit. Një tjetër tregues i rëndësishëm është dioksidi i azotit, i cili është një produkt i drejtpërdrejtë i gazrave të emetuara nga automjetet.

Është vlerësuar se kjo substancë shkakton 130 vdekje të parakohshme në vit në Shqipëri.

Sipas kësaj agjencie, Shqipëria është një nga vendet më të ekspozuara ndaj ndotjes në Europë.