Nesër Durrësi do të jetë 8 orë pa ujë

Qarku i Durrësit nesër (4 mars) do të vuajnë mungesën e ujit të pijshëm për rreth 8 orë, nga ora 8:00-16;00, për shkak të mos funksionimit të pompave që i furnizojnë. Sipas njoftimit nga Ujësjellës Kanalizime Durrës, stacioni i pompave në Fushë Kuqe dhe Fushë Milot nuk do të kenë energji elektrike, për shkak të ndërhyrjeve të OST. Operatori i Sistemit të Transmetimit ka planifikuar remonte që prekin dhe dy stacionet e pompimit të ujit që furnizojnë me ujë Durrësit dhe rrethinat e tij.