Nipi i Enverit me dy automjete në pronësi, avokati tha se qe vetëm taksist

Ndryshe nga sa ka pretenduar avokati i Ermal Hoxhës, ky i fundit ka në pronësinë e tij dy automjete.

Nga regjistri i Drejtorisë së Transportit Rrugor, rezulton që Hoxha ka në pronësi dy të tilla. Bëhet fjalë për një makinë tip “Renault” dhe një tjetër “Volkswagen Passat”.Automjeti i parë në pronësi të tij, me targë TR 0023 P, i prodhuar në vitin 1999 ka hyrë në Shqipëri më datë 10 tetor 2007.

Ndërsa makina tjetër, me targë TR 4893 C, e ardhur nga Gjermania, ka hyrë në Shqipëri më 7 korrik të vitit 1995. 

Këto automjete janë përdorur nga Hoxha deri në vitin 2008, ndërsa më pas nuk ka asnjë të dhënë se çfarë ka ndodhur me këto makina.