Një grua është gjetur e gjallë pasi ishte bllokuar me kunatën e saj, e cila kishte ndërruar jetë për tre ditë në makinën e tyre, pas përmbytjeve të mëdha në Valencia të Spanjës.
Ekipet e shpëtimit vazhdojnë të kërkojnë për viktimat e bllokuara në garazhe dhe makina të mbytura në Valencia pas stuhisë së madhe, e cila ka marrë mbi 200 jetë dhe ka lënë 2,000 persona ende të zhdukur.
Pamjet dramatike u shfaqën mbrëmjen e sotme të gruas së paidentifikuar që u zbulua nga ekipet e shpëtimit pasi ata dëgjuan të qarat e saj brenda një grumbulli automjetesh të bllokuara. Gruaja mendohet se ishte bllokuar nga makinat e grumbulluara në majë të automjetit të saj, pasi të gjitha kanë rënë në tunelin hekurudhor që lidh qytetet Benetusser dhe Alfafar në periferi të Valencias.
Pamjet e postuara në internet tregojnë momentin kur gruaja, e cila shihet e veshur me një fustan të verdhë mbi rroba, ngrihet në një automjet shpëtimi emergjent nga dy anëtarë të ekipit të shpëtimit pasi u gjet e bllokuar në makinën e saj.
