OSHEE: Tre mijë punonjës po riparojnë dëmet e motit, PD-ja te mos llomotis

Pasi informon se 3 mijë specialistë të energjitikës kanë qënë në krye te detyrës natën e ndërrimit të vitit, Operatori i Shpërndarjes së Energjisë Elektrike i ka kërkuar sot partisë kryesore të opozitës, PD-së, që më mirë të heshtë lidhur me problemet e energjisë elektrike, pasi kompania tashmë është duke punuar për të ndrequr pikërisht ato dëme që iu shkaktuan sistemit gjatë qeverisjes së saj.

Përkundër deklaratave të PD-së lidhur me mungesën e energjisë elektrike në shumë zona të vendit më 31 dhjetor si dhe me ndryshimin e çmimit të energjisë elektrike, që sipas PD-së është rritur, OSHEE i ka dërguar një falenderim “të gjithë shtetasve shqiptarë, që besojnë se vetëm duke paguar energjinë elektrike mund të përmiresohet furnizimi dhe të investohet në rrjet e njëherësh, edhe 3 mijë punonjësve të saj, që gjatë ditëve të ndërrimit të viteve ishin në krye të detyres, larg familjeve dhe të afërmve të tyre.”