Papa Françesku prej 10 ditësh në spital. Zyra e Shtypit e Selisë së Shenjtë jep detaje për gjendjen e tij

Zyra e shtypit të Vatikanit ka dhënë sot detaje se si paraqitet gjendja shëndetësore e Papa Fraçeskut. Vaktikani bën me dije se gjatë natës gjendja e Papës ka qenë e qëndrueshme dhe se ai ndodhet në gjendje më të mirë.

“Nata e kaloi të qetë, Papa ka fjetur dhe po pushon,” thuhet në komunikatën e shkurtër.

Gjatë fundjavës Ati i Shenjtë kaloi në një krizë të gjatë të frymëmarrjes gjë që bëri të nevojshme përdorimin e oksigjenit. Ndërkohë analizat e një dite më parë treguan shenja të një insuficience të lehtë renale (dëmtim i lehtë i veshkave), e cila aktualisht është nën kontroll.

Papa Françesku u shtrua në spitalin “Gemelli” më 14 shkurt për shkak të përkeqësimit të bronkitit. Më vonë mjekët e diagnostikuan atë edhe me infeksion kompleks të rrugëve të frymëmarrjes dhe penemoni në të dyja mushkëritë.