Pas 17 vitesh, Steven Gerrard largohet nga Liverpul, por a do të jetë Xherdan Shaqiri zëvëndësi?

Historike/ Pas 17 vitesh, Steven Gerrard largohet nga Liverpool

Liverpooli ka konfirmuar se kapiteni Steven Gerrard, do të largohet nga Anfield në fund të sezonit 2014-15. Kapiteni i “Të kuqve” po e mbyll kapitullin me këtë klub, pas një karriere 17 vjeçare gjatë së cilës ka fituar që ka ngritur 10 trofe, ndërsa deri tash ka pasur fiks 695 paraqitje dhe ka shënuar plot 180 gola. Ai i ishte bashkuar klubit nga Liverpooli që në moshën 8 vjeçare.

Megjithatë, Gerrard nuk do të pensionohet nga futbolli profesionist, pasi të jetë larguar nga Anfield. Deri tash nuk është bërë publik asnjë vendim për klubin e tij të ri, por është thënë se ai do ta vazhdojë karrierën jashtë Mbretërisë së Bashkuar, dhe në një anë që nuk do të sjellë atë në konkurrencë të drejtpërdrejtë me Liverpoolin. Deri në largim, numri 8, do ta ndihmojë Brendan Rodgersin dhe ekipin e tij që të arrijë sukses në dy frontet, edhe në Premierë Ligë dhe në garat evropiane.

34-vjeçari e pranon se e ka të vështirë largimin nga Liverpool, duke e përshkruar vendimin si "më të vështirin të jetës së tij". Por ka zgjedhur ta bëjë tani, për të shmangur spekulimet në lidhje me të ardhmen e tij.

“Ky ka qenë ndër vendimet më të vështira të jetës sime. Vendimi im është i bazuar tërësisht në dëshirën time për të përjetuar diçka ndryshe në karrierën dhe jetën time” – ka thënë Gerard teksa ka sqaruar vendimin tij.

Në fund, Gerard u është drejtuar fansave të Liverpoolit, të cilëve u ka thënë se ka qenë privilegj që t’ju shërbejë si lojtar dhe kapiten.

“The Guardian”: Shaqiri do të zëvendësojë Gerrard

Steven Gerrard përfundimisht ka vendosur të largohet nga Liverpooli në fund të sezonit. Pas këtij lajmi, mediat britanike kanë nisur të spekulojnë se kush mund ta zëvendësoi kapitenin legjendar. Sipas The Guardian, Xherdan Shaqiri është kandidat më serioz për tu transferuar në Liverpool dhe për ta zëvendësuar ish reprezentuesin e Anglisë. “Edhe Juventus e Inter janë të interesuar për Shaqirin, por Liverpool ka treguar gatishmëri që të nënshkruar kontratë afatgjate me lojtarin, dhe jo ta marrë si huazim” – shkruan The Guardian. Shaqiri është i pakënaqur me trajtimin te Bayern Munich dhe pritet të largohet nga ekipi gjatë këtij muaji, edhe pse Pep Guariola ka insistuar se lojtari i kombëtares zvicerane do të mbetet në ekip. Nese do jete Shaqiri ne vend te tij tek Liverpuli atehere Shaqiri do te jete shqiptari i pare qe behet njeshi i ekipit te madh anglez.