Peqin, arrestohen dy punonjës të kadastrës

Dy punonjës të zyrës së Katastrës në Peqin janë vënë në pranga sepse akuzohen për falsifikim të dokumenteve.

Aksioni i policisë për arrestimin e S. Dervishit, 50 vjeç dhe  J. Dejas 55 vjeç është bërë gjatë mbrëmjes së sotme nga ana e Policisë së Elbasanit.

Dervishi  me detyrë punonjes i zyrës së rregjistrimit të pasurive dhe Deja me detyrë topograf, ishin vënë nën hetim nga oficerët e Sektori për Krimin Ekonomik dhe Financiar, në Policinë e Elbasanit.

Arrestimi i tyre është bërë me urdhër të Gjykatës, e cila ndaj tyre kishte vendosur masën e sigurisë “arrest me burg”.

Dy të arrestuarit akuzohen për “Shpërdorim detyre” dhe “Fallsifikim dokumentash”.