Pranga 2 doganierëve të pikës kufitare Tre Urat

Dy doganierë të pikës kufitare Tre Urat janë arrestuar në orët e fundit në Përmet, nën akuzën e shpërdorimit të detyrës.

Lajmin e bëjnë të ditur burime policore lokale, sipas të cilave dy oficerët e arrestuar janë shtetasit Sokol Kamenica dhe Orland Çepani.

Nga kontrollet është zbuluar se ata kanë lejuar një person të kalonte me goma makinash kontrabandë.

Mësohet se agjentët e policisë kanë vënë në pranga edhe këtë të fundit, i identifikuar si Odhise Kosta, për kontrabandë të mallrave të paliçencuara.