Prej 8 ditësh në kërkim, gjendet i vdekur 31-vjeçari

Policia e Tiranës ka gjetur të pajetë një 31-vjeçar, i cili prej 8 ditësh rezultonte i humbur. I identifikuar me inicialet G.S., policia thotë se 31-vjeçari u gjet i pajetë në rrugën e “Ullishtes”, në afërsi të Liqenit të Thatë. “Nga këqyrja paraprake në trupin e viktimës nuk janë konstatuar shenja dhune. Dyshohet se vdekja i ka ardhur nga shkaqe natyrale”, thuhet në njoftimin e policisë. Materialet do ti kalojnë Prokurorisë së Gjykatës Shkallës Parë Tiranë për veprime të mëtejshme.