Pse digjen makinat pas krimeve? Ish-prokurori flet për ngjarjet kriminale

Ish-prokurori i Krimeve të Rënda, Eugen Beci, teksa ka folur për masakrën në Fushë-Krujë, ka treguar edhe pse digjen kryesisht automjetet dhe armët e autorëve në ngjarje kriminale.

Për të kjo është një metodë e krimit të sofistikuar, për të zhdukur gjurmët daktiloskopike dhe duke vështirësuar kështu zbulueshmërinë e krimit.

”Mbaj mend shumë vite më parë që në jug të vendit, kryesisht në Vlorë, makinat që përdoreshin për krime dhe armët e zjarrit ishte zakon që të hidheshin në liqene. Me ardhjen e thatësirave armët, makinat apo edhe kufomat e zhdukura shfaqeshin dhe krimet nisën të zbuloheshin. Tani kanë menduar që t’i djegin për arsye që të zhduken edhe gjurmët daktiloskopike”.