Që prej vitit 2010 Shqipëria emeton Eurobondin me të suksesshëm në vlerë 650 milionë euro…

“Emetimi me sukses i Eurobondit me vlerë 650 milionë euro, me një afat 10-vjeçar, tregon pozicionimin e ri të Shqipërisë, për sigurimin e likuiditetit dhe besimin në zhvillimin ekonomik të vendit! Konsolidimi i ekonomisë shqiptare, reformat dhe politikat e qëndrueshme makroekonomike e fiskale të Qeverisë po japin dukshëm rezultatet e tyre. Republika e Shqipërisë emetoi me sukses një Eurobond me vlerë 650 milionë euro, me afat maturimi 10-vjeçar dhe normë interesi 5%. Për herë të parë interesi i investitorëve të huaj ishte shumë i lartë dhe numri i tyre arriti në 195.

Ky emetim tregon se Shqipëria, falë reformave të ndërmarra, ka një ekonomi të qëndrueshme dhe besimi i investitorëve është tejet i lartë. Ky është emetimi më i suksesshëm i Republikës së Shqipërisë, që prej emetimit të parë në vitin 2010”- shkruan Blendi Gonxhja, ministri i Ekonomisë dhe Kulturës.