Kryeministri Edi Rama ka komentuar dhe paketën e opozitës, duke thënë se po shfrytëzon çdo situatë për të ngatërruar punët e gjithë dynjasë.
Për Ramën, opozita s’ka asnjë punë dhe shfrytëzon situatat e vështira për të ofruar ato që ai i quajti “përralla”.
“S’kemi asnjë problem të marrim parasysh propozimet ngado që të vijnë, lëre pastaj të opozitës
Opozita nuk ka asnjë punë tjetër normalisht, dhe kjo opozita jonë e ka për zakon që dhe atë punë që ka të mos e bëjë, por mundësisht të ngatërrojë punët e gjithë dynjasë duke shfrytëzuar situatat e vështira si kjo.
Po shfrytëzon dhe luftët si kjo në mënyrën instiktive për të ofruar përralla, por ne do bëjmë të gjithë gjërat e duhura, do bëjmë ato që kemi mundësi, si ato që kanë vendet e mëdha dhe të vogla”, ka thënë Rama.
Më tej kryeministri ka siguruar qytetarët që nuk kanë mundësi të shkojnë në punë se do e marrin pagën mujore.
“Ju qëndroni në shtëpi dhe do merrni pagën sikur keni shkuar në punë”, tha Kryeministri.