Rama i dhuron një karikaturë, kurse gjenerali amerikan një medalje! Kryeministri: Do ia jap Zahos

Këtë të martë nisi zyrtarisht edhe stërvitja më e madhe ushtarake që ka pritur vendi ynë. Kryeministri Edi Rama së bashku me gjeneralin amerikan T.D.Wolters, kanë bërë një udhëtim të shkurtër me anijen ushtarake të Rojes Bregdetare shqiptare.

Mësohet se Rama i dhuroi një suvenir dhe një karikaturë, teksa gjenerali amerikan i dha një medalje, për të cilin kryeministri tha se do ia jepte djalit të tij, Zahos.

“Nisja e stërvitjes “Defender Europe 21”. Në anijen ushtarake të Rojes Bregdetare shqiptare me gjeneralin amerikan T.D.Wolters, Komandanti Suprem i Aleancës së Atlantikut të Veriut, e me miq të tjerë”, shkruan Rama.