Edi Rama zhvilloi një takim në Kryeministri me ambasadorin e SHBA-së në NATO, Matthew Whitaker, ku në fokus ishte forcimi i mëtejshëm i marrëdhënieve mes dy vendeve. Në një postim në Facebook, Rama shkruan se një nga temat kryesore të diskutimit ishte edhe Samiti i ardhshëm i NATO, i cili pritet të mbahet vitin e ardhshëm në Tirana.
Po ashtu Rama thotë se organizimi i këtij samiti në Shqipëri përbën një moment të rëndësishëm për vendin, duke e kthyer atë në një pikëtakim të aleancës më të madhe ushtarake në botë.
”Në Kryeministri, me Ambasadorin e SHBA në NATO, Matthew Whitaker, folëm për lidhjen e ngushtë mes vendeve tona, partneritetin strategjik mes shteteve tona, marrëdhëniet tona të shkëlqyera diplomatike e ushtarake, forcimi i të cilave është prioritet i përbashkët, si edhe për Samitin e NATO-s vitin e ardhshëm në Tiranë, ku Shqipëria do të bëhet pikëtakimi i aleancës më të madhe ushtarake të botës”,-shkruan Rama.
Screenshot