Ramës nuk i del inati me ministrin Gjerman: Shqipëria është vendi më i përshtatshëm në Europë për pushime

Në konferencën e përbashkët me ministrin gjerman të Shtetit për Europën, Michael Roth, kryeministri Edi Rama ka deklaruar se Shqipëria është vendi më i përshtatshëm në Europë për të ardhur për pushime. Rama e përsëriti disa herë këtë gjë, dhe u pa si një ”hakëmarrje” ndaj ministrit të Shëndetësisë në Gjermani.

Në një prononcim për median gjermanme Bild, kreu i qeverisë shqiptare kritikoi deklaratat e ministrit gjerman, i cili tha se gjysma e infeksioneve me Covid-19 në Gjermani verën e kaluar erdhën si shkak i vizitave familjare nga emigrantët në Ballkan.

“Është një skandal që një ministër gjerman denoncon publikisht Ballkanin. Ministri gjerman i shëndetësisë duhet të kujdeset për vaksinimin e popullsisë gjermane dhe të mos zgjojë pakënaqësi e stereotipe kundër Ballkanit”, theksoi ndër të tjera Rama.