Reagon ministri i Brendshëm për atentatin në Shkodër

Ministri i Brendshëm, Ervin Hoxha, ka reaguar pas masakrës me 3 viktima që ndodhi një ditë më parë në Shkodër, ku humbën jetën 23-vjeçari Hamza Lici, 32-vjeçari Arlind Bushati dhe një grua, e cila udhëtonte me motor me bashkëshortin e saj, pasi u përplas nga makina e Hamza Licit dhe Arlind Bushatit.

Ndërsa u pyet nga gazetarët ditën e sotme, Hoxha deklaroi se shumë shpejt do të ketë rezultate konkrete në lidhje me ngjarjen.

“Dje të gjitha forcat e Policisë së Shtetit kanë shkuar në Shkodër për të bërë të mundur arrestimin e autorëve. Ata janë atje për të bërë detyrën e tyre. Shumë shpejt do të kemi një rezultat konkret në lidhje me ngjarjen që ka ndodhur dje”, tha ministri.