Reduktimi i ndihmës nga Zvicra për Shqipërinë, reagon ambasadorja zvicerane në Tiranë

Ambasadorja e Zvicrës në Tiranë, Ruth Huber, ka folur për reduktimin e ndihmës financiare nga ana e shtetit të saj për Shqipërinë.

Huber ka shpjeguar se deri në vitin 2028 nuk do të ndërpritet asnjë program e qeverisë së Zvicrës për vendin tonë. Ajo sqaron se nuk do të ketë ndërprerje fondesh dhe as ngrirje të tyre, por një reduktim gradual.

“Nuk është një prerje fondesh as një ngrirje e tyre. Ne do të reduktojmë gradualisht fondet e Agjencisë Zvicerane për Zhvillim e Bashkëpunim, nga fundi i vitit 2028, ndaj ka pothuaj edhe 4 vite kohë gjatë të cilave mund të bëjmë ende shumë gjëra dhe të kemi rezultate”, thotë Huber.

“Parlamenti zviceran ka vendosur për reduktime buxheti, por marrëdhëniet mes dy vendeve tona janë të forta e të mira”, ka thënë ambasadorja për News 24.