Rikthehet “Charlie Hebdo”, në kopertinën e kuqe, xhihadistët, Papa dhe Le Pen

Gazeta satirike franceze “Charlie Hebdo”, do të rikthehet në treg me numrin e saj të ri, në kopertinën e të cilit janë karikaturat e Marine Le Pen, Nikolas Sarkozi, Papa Franceskos dhe një xhihadisti me ngjyrë.

Kopertina e re është zbuluar nga gazeta franceze “Libération”, dhe në të është vizatuar një qen që mban në gojë një kopje të “Charlie Hebdo” i cili ndiqet nga Sarkozy, Marine Le Pen, Papa Francesco dhe një ujk i zi me shallin e xhihadistëve dhe një kallashnikov në gojë.

Numri i ri i revistës satirike, me titullin “Rifillojmë”, do të dalë në treg të mërkurën, në 2.5 milionë kopje. Në stafin e ri të së përjavshmes, do të debutojë edhe një karikaturist i ri, algjeriani Dilem, i cili në epokën e karikaturave të Muhamedit të publikuara nga revista daneze “Jyllands-Posten”, kishte dalë kundër terroristëve islamikë.

Më 7 janar, “Charlie Hebdo” u trondit nga një atentat dramatik, që i mori jetën gjysmës së stafit të saj. Pak ditë më vonë gazeta publikoi një numër të jashtëzakonshëm (numër që shiti 7 milionë kopje në të gjithë botën), për të ndërprerë pastaj publikimin për rreth një muaj.