Rritet konsumi i kafes në Shqipëri

Rreth 9 mijë ton kafe janë importuar në vitin 2021. Krahasuar me një vit më parë kemi blerë rreth 800 ton më shumë.

Konsumi i kafes tashmë është kthyer në stil jetese. Për disa qytetarë është mënyrë për t’u qetësuar, për të tjerë doza e kafeinës është e nevojshme. Në Shqipëri janë rreth 14 mijë bare dhe rreth 4 mijë restorante. Kafeja është produkti më kërkuar.

Një punonjëse në një lokal në Tiranë tregoi se përafërsisht konsumohet 5-6 kg kafe në ditë. Pjesa më e madhe e klientëve vijnë në mëngjes dhe rikthehen 2 ose 3 herë për të konsumuar kafen.