RTL shkruan për Shqipërinë, Rama: Xhevahiri ballkanik që po kthehet nga një sekret, në destinacion turistik botëror
Kryeministri Edi Rama ka ndarë artikullin e medias së njohur në Luksemburg “RTL Radio”, e cila ka shkruar për bukuritë e vendit tonë, trashëgiminë kulturore, bregdetin, turizmin dhe historinë.
“Nga Alpet Shqiptare në bregdetin Jon, kjo perlë e Ballkanit po bëhet një nga vendet më joshëse për t’u arratisur në Evropë. Në këtë kapitull të tretë, po njihemi me Shqipërinë, një vend që është në mes të transformimit nga një informacion i brendshëm në një pikë të nxehtë në hartën e pushimeve të Evropës.
Vendi ofron një larmi të jashtëzakonshme në një zonë të vogël, me natyrë shumë larg turizmit masiv. Në veri, në kufirin me Kosovën dhe Malin e Zi, shtrihen të ashtuquajturat “Bjeshkët e Nemuna” ose Alpet Shqiptare. Rajonet e Valbonës dhe Thethit ofrojnë shtigje ecjeje përmes peizazheve spektakolare malore që duken thuajse të paprekura. Fshatrat e vegjël me shtëpi guri, lumenj të pastër dhe pamje panoramike e bëjnë zonën një parajsë për entuziastët e aktiviteteve në natyrë dhe ata që kërkojnë paqe“, shkruhet ndër të tjera në artikull.
Postimi i kryeministrit Edi Rama:
“Shqipëria-Nga Alpet në Rivierë, një udhëtim që të mbetet në zemër.
RTL Radio në serinë e saj për destinacionet e pushimeve në Europë ka ndaluar në Shqipëri – “xhevahiri ballkanik” që po kthehet nga një sekret, në destinacion qendror të hartës turistike europiane.
Nga Alpet e Shqipërisë, deri në Dhërmi, Ksamil e Himarë, duke kaluar përmes Parkut Kombëtar të Vjosës dhe qyteteve UNESCO si Gjirokastra e Berati, kjo guidë e plotë u ofrohet pushuesve europianë për pushimet e tyre në Shqipërinë tonë”.
KOHA JONË SONDAZH
