Sekuestrohen 412 kg kanabis

Policia e Vlorës ka njoftuar pasditen e së shtunës se ka sekuestruar 412.5 kg kanabis. Lënda narkotike është gjetur në afërsi të derdhjes së lumit Vjosa. Pranë kanabisit, policia zbuloi edhe një gomone. Po punohet për identifikimin e kapjen e zotëruesve të kësaj sasie të madhe droge.

Njoftimi i plotë i policisë

Vlorë, Strukturat Policore të DVP Vlorë në bashkëpunim me Policinë Kufitare në afërsi të derdhjes së lumit Vjosa kanë sekuestruar 412.5 kg kanabis, 1 gomone dhe 60 litra benzinë.

Vijon puna për identifikimin e kapjen e autorëve të kësaj veprimtarie të paligjshme.

Materialet hetimore iu referuan Prokurorisë së Rrethit Gjyqësor Vlorë, për veprën penale ”Trafikimi narkotikëve, mbetur ne tentativë” parashikuar nga neni 283/a e 22 i Kodit Penal.