Shkrumbohet natën makina e të riut në Elbasan, ja dyshimet e para

Një makinë është përfshirë nga zjarri, teksa ka qenë e parkuar në afërsi të banesës së të zotit.

Ngjarja ka ndodhur rreth orës 03:40 të mëngjesit të sotëm, në lagjen “Çlirimi”, Elbasan.

Një zjarr i beftë ka rënë në automjetin tip “Lancia” me targa AA 783 FX, në pronësi të 33-vjeçarit Klodi Krati, banues në lagjen “Çlirimi”.

Mësohet se mjeti ka qenë i parkuar në rrugë dhe si pasojë e zjarrit është djegur pjesërisht.

Grupi hetimor po punon për sqarimin e plotë të rrethanave të rënies së zjarrit.

Por policia thotë se nga hetimi paraprak dyshohet se ngjarja është aksidentale, teksa po kryhen verifikimet e rastit.