Shpërthimet ndaj babait të ministrit Tahiri, arrestohen 2 pjesëtarë të familjes Gjutaj

Të afërm të Emirjon Gjutës, i cili ka shitur kartën SIM të telefonit që do të përdorej për shpërthimin e tritolit te rruga “Vasil Shanto” më 10 shkurt, janë arrestuar paraditen e sotme. Ata ajnë prangosur  i të dyshuar në lidhje me bombat që kanë pasur edhe si objektiv babain e ministrit të Brendshëm, Saimir Tahiri. Dy prej të arrestuarve, me urdhër të Prokurorisë së Krimeve të Rënda, janë Muhedin Gjutaj dhe Pajtim Gjutaj. Të afërm me njëri-tjetrin, përkatësisht xhaxhai dhe nipi,  Gjutajt janë ndaluar nga blutë e kryeqytetit që në orët e para të mëngjesit të sotëm si të dyshuar në atentatet ndaj familjes Tahiri. Më 10 shkurt shpërthyen dy eksplozivë ku në një prej tyre objektivi ishte babai i ministrit të Brendshëm, Saimir Tahiri. Njëra prej tyre ishte vendosur te farmacia e Bashkim Tahirit dhe shpërtheu duke shkaktuar dëme materiale, ndërsa bomba tjetër ishte e vendosur në vendin ku parkonte zakonisht makinën babai i Saimir Tahirit, por nuk shpërtheu, kjo sipas hetuesve,  për shkak të një defekti teknik.  Emirjon Gjuta u arrestua disa ditë më parë, pasi ai dyshohej se i kishte shitur kartën SIM,personit që aktivizoi shpërthimet dhe pretendohet se ka dijeni e njohje me të, ndonëse nuk është pranuar nga ky i fundit. Megjithatë, pas arrestimit të tij janë vënë në pranga edhe dy të afërm të tjerë të familjes Gjuta.