Shtohen flukset turistike e tregtare, porti i Durrës përforcon kontrollin përgjatë perimetrit detar

Me afrimin e pikut të sezonit turistik është rritur edhe fluksi i turistëve, në portin e Durrësit.

Efektivët e patrullës detare në Forcën e Sigurisë Portuale Durrës (FSPD) kanë vijuar sot kontrollin përgjatë perimetrit detar, në një ditë me aktivitet të shtuar tregtar dhe turistik.

Autoriteti Portual Durrës ndau sot momente nga patrullimi në det i efektivëve të forcës detare.

“Një tjetër fundjavë në shërbim të sigurisë në zonën portuale dhe ujërat përreth. Përgjegjshmëri, vëmendje dhe gatishmëri për të garantuar mbarëvajtjen e veprimtarisë portuale dhe sigurinë e mjeteve detare”, thuhet në njoftimin e Autoritetit Portual Durrës.