Siguria rrugore me koncesion/LSI Durrës: Miliarda për PPP-të, vendi në mjerim dhe po përballet me pandeminë

Zv/Kryetar i LSI Durrës, Bujar Dhima ka komentuar vendimin e qeverisë për të dhënë me koncesion edhe sigurinë rrugore. ””Rilindja” fond prej 5 miliardë lekësh për PPP për sigurinë rrugore. Kjo do të zërë rreth 49.9 për qind të Prodhimit të Brendshëm Bruto të Shqipërisë. Por nuk është ky shpenzimi i vetëm. Autoriteti Rrugor Shqiptar vetëm gjatë këtij viti ka zhvilluar dy tendera me vlerë 241 milionë lekë për këtë qëllim”,-shkruan Dhima.

Postimi i plotë

Miliardat e “Rilindjes” për PPP-të vazhdojnë teksa vendi është në mjerim. ”Rilindja” fond prej 5 miliardë lekësh për PPP për sigurinë rrugore.

Kjo do të zërë rreth 49.9 për qind të Prodhimit të Brendshëm Bruto të Shqipërisë. Por nuk është ky shpenzimi i vetëm. Autoriteti Rrugor Shqiptar vetëm gjatë këtij viti ka zhvilluar dy tendera me vlerë 241 milionë lekë për këtë qëllim.

MILIARDA për PPP-të teksa vendi është në mjerim dhe po përballet me pandeminë. Nuk ka para për teste dhe vaksina por ka miliarda për PPP-të. Më 25 prill ta largojmë këtë qeveri të papërgjegjshme dhe oligarkësh dhe t’ia kthejmë vendin shqiptarëve.