Situata në Afganistan, kolonel Demiraj: Perëndimi dështoi, atje ka 22 grupe terroriste

Shqipëria i tregoi botës me strehimin e afganëve se nuk jemi vend aq i vogël.

Kolonel Dritan Demiraj thotë se e gjithë kjo situatë ishte një dështim i Perëndimit në aspektin politik dhe jo në atë ushtarak.

“Objektivat strategjike të Amerikës ishin: në tetor, largimi i Al-Qaeda, largimi nga pushteti i talebanëve që u realizua brenda 120 ditëve, por nga pikëpamja strategjike dhe politike ka qenë një dështim. Situata e Afganistanit nuk do të ishte në këtë gjendje që është sot”, tha për “Top Channel”.

Po ashtu Demiraj pohon se është një grup talebanësh që përbëhet nga disa dhjetëra mijëra njerëz të mirë armatosur, rreth 22 grupe terroriste.