Tiranë/ Zjarr në një banesë, shkak një batanije …

Një batanije me ngrohje elektrike, e lënë në prizë gjatë natës, u bë shkak për rënien e një zjarri në një banesë në rrugën Ali – Demi në kryeqytet.

Fatmirësisht, ndërhyrja në kohë e zjarrfikëses bëri të mundur shuarjen e flakëve dhe shpëtimin e familjarëve.

Nga zjarri raportohen vetëm dëme materiale.

Shërbimi Zjarrëfikës këshillon qytetarët të bëjnë kujdes në këto ditë të acarta, duke mos i lënë në prizë pajisjet elektrike nëpër dhoma, gazin hapur etj.

Ndërsa për çdo problem, mund të njoftoni në numrat 128 dhe 112.