Turizmi në rritje, Shqipëria priti 3,7 milionë vizitorë deri në fund të majit

Shqipëria ka pritur mbi 3.7 milionë turistë të huaj gjatë pesë muajve të parë të vitit, me një rritje prej 16% krahasuar me një vit më parë, sipas Ministrisë së Turizmit, Kulturës dhe Sportit.

Kosova mbetet tregu kryesor, me gati gjysmën e vizitorëve, e ndjekur nga Italia dhe Mali i Zi. Numër të konsiderueshëm turistësh sjellin edhe Maqedonia e Veriut, Greqia, Britania e Madhe, Turqia, Serbia dhe Polonia.

Operatorët turistikë raportojnë sezon pozitiv dhe rritje të interesit për destinacionet shqiptare, megjithëse theksohen edhe sfida si çmimet e larta dhe cilësia e shërbimit në disa zona.

Vetëm në muajin maj u regjistruan mbi 1.1 milionë vizitorë të huaj, rreth 8% më shumë se një vit më parë, duke e bërë muajin më të suksesshëm të këtij viti deri tani.