Vëllai tregon fjalët e fundit të Sabrinës, e vrara nga babai

Sabrina Leka u vra nga babai i saj në makinë dhe ngjarja e ndodhur në Australi, është bërë lajm global. Vëllai i së ndjerës ka bërë një dedikim prekës për motrën e tij. Ai ka treguar fjalët e fundit të saj, para se të largohej nga shtëpia dhe të ndodhte tragjedia.

“Gjëja e fundit që ajo tha ishte: ”Unë ju dua dhe do t’ju shoh më vonë”. Ajo ishte shumë e zgjuar dhe gjithmonë ndikoi që unë të ecja përpara. Ajo më ndihmonte në studimet e mia, të bëhesha i suksesshëm në jetë sepse kjo është ajo që do të dëshironte më shumë. Motra ime ishte shumë e dashur dhe e kujdesshme. Ne shkonim gjithandej kudo së bashku. Ne shkonim në dyqane, në park”,-tha 11-vjeçari Pirro Lekaj.

Së bashku me nënën Romina Lekaj, në ceremoninë e mortore, Pirro kujtoi “vitet e mrekullueshme” që kaluan me motrën e madhe. Sabrina u gjet e vdekur në 22 korrik në sediljen e përparme të makinës tip “Mercedes-Benz” në pronësi të familjes, vetëm disa metra larg shtëpisë, në Kidman Park, në Adelaide.