Veprimi kundër ekstremizmit të dhunshëm

55 punonjës të vijës së parë të burgut të Peqinit dhe atij të Fushë-Krujës, u trajnuan dje dhe sot për procedurat standarde të veprimit kundër ekstremizmit të dhunshëm në burgje. Mes tyre kishte punonjës social, roje sigurie dhe personel edukues, me të cilët u diskutuan tema si siguria dinamike, parimet dhe standardet ndërkombëtare të parandalimit dhe luftës kundër ekstremizmit të dhunshëm, si dhe të drejtat dhe përgjegjësitë e personelit të sistemit të burgjeve. Trajnimi u organizua nga Prezenca e OSBE-së në Shqipëri, në bashkëpunim me Drejtorinë e Përgjithshme të Burgjeve dhe Qendrën Kombëtare të Koordinimit kundër Ekstremizmit të Dhunshëm.