Vetëvrasja në burgun e Rrogozhinës, shkarkohet prokurorja

Vetëvrasja në burgun e Rrogozhinës e Qamil Lekës i shkakton largimin nga detyra prokurores së Lushnjes.

Burimet e prokurorisë bëjnë të ditur se është larguar nga detyra prokuroja e Lushnjes, Merita Selimi, raporton Ora News.

Vetëvrasja e Qamil Lekës shkaktoi një sërë akuzash edhe mes politikës.

Kjo, duke qenë se PD akuzoi qeverinë për arrestimin e tij.

Leka ishte arrestuar për vjedhje të energjisë elektrike dhe ndodhej prej dy muajsh në burg.

Ditë më parë ai vendosi t’i japë fund jetës në burg, si pasojë e depresionit.