Situata në protestën që po zhvillohet në Tiranë vijon të jetë e tensionuar. Gjatë orëve të mbrëmjes, policia ka përdorur në masë gaz lotsjellës dhe ujë me presion ndaj protestuesve të rinj.
Ndërkohë, raportohet për arrestime dhe shoqërime të qytetarëve. Shqetësim të veçantë paraqesin veprimet e disa personave me rroba civile, pa uniformë apo mjete identifikimi, të cilët dyshohet se po marrin me forcë qytetarë në rrugët e kryeqytetit.
Sipas raportimeve nga terreni, në disa raste, tre deri në katër persona civilë kanë rrethuar individë, i kanë kapur me forcë dhe më pas i kanë futur në furgona.
Zhvillimet e orëve të fundit kanë shtuar shqetësimet për sigurinë e qytetarëve, ndërsa mbetet e rëndësishme të sqarohet identiteti i personave të përfshirë në këto veprime dhe rrethanat e shoqërimeve të raportuara.