VIDEO/ Sara Mila vijon turin në Elbasan, por vëmendjen e merr një thumb për kolegun socialist

Aktualitet E Martë, 25 Gusht 2026 18:43

Deputetja e PS-së, Sara Mila, vijon takimet me banorët e qarkut të Elbasanit, ku është herë është ndalur në zonën e Labinot Malit, në kuadër të kontakteve me komunitetin gjatë kësaj vere.

Në një postim në rrjetet sociale, Mila shkruan se gjatë takimeve nuk janë diskutuar vetëm shqetësimet dhe problematikat e zonës, por janë ndarë edhe momente gëzimi, njohjeje dhe të qeshurash. “Me mikpritje të sinqertë, dyer të hapura dhe njerëz të vërtetë”, e përshkruan Mila atmosferën e këtyre takimeve me banorët e fshatrave të Elbasanit.

Në fund të reagimit të saj, deputetja thekson se pikërisht banorët e komuniteteve janë motivimi për të vijuar punën dhe për të bërë më shumë për zonën. Postimi është shoqëruar edhe me një dozë humori, me një “diss” drejtuar Erion Malajt.