Vijon zjarri në Tepelenë, digjen rreth 3 hektarë pyje, mbërrin helikopteri nga Tirana

Aktualitet E Martë, 1 Qershor 2021 14:48

Flakët e zjarrit të nisura mbrëmë rreth orës 21:30 në kodrën e qytetit të Tepelenës vijojnë të djegë disa hektar me pyje. Zjarri ka vijuar gjatë gjithë natës dhe aktualisht raportohet se janë djegur rreth 3 hektar me pyje. Në orët e para të mëngjesit ka mbërritur edhe një helikopter nga Tirana për të neutralizuar flaket e zjarrit.

Nga zjarri rrezikoheshin lagjja ‘15 shtatori’, spitali dhe depot e ujit, të cilët ndodheshin rreth 500 metra afër vatrës së zjarrit, por tani situata është normalizuar dhe situata është nën kontroll. Emergjencat Civile dërguan shërbimet e gatshme, ndërsa me flakët u përballën fillimisht zjarrfikësit e Tepelenës, me 6 automjete dhe kanë arritur t’i vënë nën kontroll.

Nuk dihen ende shkaqet e zjarrit. Në terren janë akoma shërbimet e Emergjencave Civile 20 forca ushtrie dhe zjarrfikëset nga Gjirokastra, të cilët po normalizojnë situatën.
Në një prononcim për Neës24, prefekti i qarkut Gjirokastër dhe lajmin e mirë se situata është nën kontroll dhe se nuk ka më rrezik për banesat.

“Zjarri filloi rreth orës 21:30 , dhe rrezikoheshin rreth 20-30 familje të cilat kishin banesat rreth 500 metra nga vatra e zjarrit. Ushtria dhe zjarrfikësit bënë betejë me zjarrin dhe arritën të marrin situatën nën kontroll. Vatra e zjarrit është larg nga banesat dhe nuk ka më asnjë rrezik. Situata është nën kontroll dhe nuk ka nevojë për ndërhyrje nga ajri me helikopter”, tha prefekti i qarkut Gjirokastër Flamur Bime.