Vodafone kremton 30 vjetorin e telefonatës së parë me celular

Vodafone, ndër shoqëritë e telekomunikacionit më të mëdha në botë, kremton këtë fillim viti të ri, 30 vjetorin e telefonatës së parë me celular.

Michael Harrison, biri i ish-Presidentit të Vodafone ka qenë i pari që ka testuar sistemin duke marrë në telefon babanë e tij në mesnatën e datës 1 Janar 1985,duke e bërë Vodafonin shoqërinë e vetme me rrjet celular në Mbretërinë e Bashkuar.

30 vite më pas teknologjia e Vodafone, ka një rol parësor në jetën e më shumë se 400 milion njerëzish, ofron shërbimin celular në 26 shtete dhe shërbimin e internetit me brez të gjerë në 17 shtete.

Në Shqipëri, kompania e telefonisë celulare, u prezantua për herë të parë në gusht të vitit 2001 dhe numëron mbi dy milionë konsumatorë, si dhe një gamë të gjerë produktesh dhe shërbimesh.