Vrasja e 19-vjeçarit në Tiranë, eksperti ngre alarmin: Po cënohet rëndë siguria publike

Stiven Toshkezin i morën jetën në lule të rinisë. 19-vjeçari humbi jetën në mesnatë pas një sherri me thika, me dy adoleshentë. Autorët e ngjarjes dyshohet se janë Enzi Maze, Axel Hoxhaj 18-vjeç të cilët janë vënë në pranga për vrasjen e 19-vjeçarit.

Eksperti i Ekzaminimeve Shkencore, Artan Rexhepi thotë se situata e rendit në vend mbetet shqetësuese dhe është cënuar qetësia publike. Për një shqetësim tejet i madh është fakti se shumë të rinj mbajnë armë të ftohta me vete. “Për një sherr ordiner të përfundosh ke marrja e jetës është shumë e rëndë”, tha Rexhepi.

Ai thekson edhe se palët nuk i janë drejtuar policisë për zgjidhjen e konfliktit dhe në këtë mënyrë nuk kanë qenë nën vëzhgimin e autoriteteve. “Problemi është se jeta e njeriut nuk po vlerësohet. Janë fëmijë që i morën jetën një fëmije. Ne njohim vetëm fundin, nuk e dimë saktësisht se si kanë rrjedhur gjërat”, tha eksperti Rexhepi.