Zbulohen 62 raste të përndjekjes së vajzave online në Tiranë. I përndiqte 34-vjeçari nga burgu i Francës

Plot 62 raste të përndjekjes online janë zbardhur nga policia e Tiranës.

Pas denoncimeve të vazhdueshme për raste të përndjekjeve online në rrjetet sociale, policia thotë se janë siguruar prova të mjaftueshme se F. D., 34 vjeç, i cili aktualisht vuan dënimin në një burg në Francë ka konsumuar veprat penale “Falsifikimi kompjuterik”, “Ndërhyrja në të dhënat kompjuterike”, “Perndjekja”, dhe “Ndërhyrje të padrejta në jetën private”.

Ai ndodhet në burg ndërkohë për veprat penale “Vjedhje me pasoja të rënda” dhe “Komplot kriminal”, parashikuar nga Kodi Penal Francez.