Zjarri bllokon Qafën e Muzinës, ndërhyrje nga ajri e toka (Foto)

Gazetarja Brikena Meta raportoi për “BalkanWeb” se për shkak të flakëve dhe tymit është bllokuar lëvizja në Qafën e Muzinës, ku gjendja është alarmante.

Përveç ndërhyrjes nga toka nga zjarrfikësit e Gjirokastrës, në ndihmë ka shkuar edhe një helikopter. Sipas zjarrfikësve situata është jo e mirë.

Zjarri ka rënë në kodrën pranë karburantit në krye të Qafës së Muzinës, ku ndodhet një pyll me qershi. Zjarri rezikonte karburantin dhe dy stane me bagëti e një me bletë. Situata tepër e vështirë është menaxhuar heroikisht nga zjarrfikësit e Gjirokastrës që kanë hyrë mes flakëve.