A po planifikon Kremlini të ringjallë KGB?

Qeveria ruse po planifikon të bëjë reforma të thella në sistemin policor përpara zgjedhjeve presidenciale të 2018, raporton Moscow Times.

Duket se një prej këtyre reformave është edhe rikthimi i të famshmes KGB.

Sipas kësaj gazeta, krerët e FSB (Federal Security Service) po planifikojnë ringjalljen e KGB nën emrin “State Security Ministry”.

Ministria e Sigurisë së Shtetit do të ketë në përbërje edhe Shërbimin e Inteligjencës së Jashtme si dhe njësinë e Shërbimit Mbrojtës Federal, që ruan krerët e shtetit.

I vetmi problem që për momentin për rikthimin e të famshmes KGB është mungesa e fondeve.

Për realizimin e këtij plani duhen të paktën 308 milionë dollarë.