Deputetja i derdh gotën e ujit në fytyrë ministrit: Ti je rrugaç (VIDEO)

Politikanët në Kosovë janë përfshirë në debat që degradoi. Gjatë raportimit në Komisionin për Mjedis, Ushqim, Bujqësi, Planifikim dhe Zhvillim, deputetja e PDK-së Ganimete Musliu i ka derdhur në fytyrë një gotë me ujë ministrit të Bujqësisë, Faton Pecit.

“Ti përfaqëson me gjuhën e përfaqëson krimin. Qajo pjesa e krimit në Ministrisë së Bujqësisë ka një mbështetje politike dhe kjo pi bije që je ti ajo zyrtare që je në prapavijë”, tha Peci.

Deputetja teksa i ka derdhur ujin në fytyrë, e quan ministrin rrugaç. “Ti je rrugaç bre, mbylle rrugaç, idiot, kështu e meriton”, tha Musliu. “Ti je shumë e kulturume, po shihet ajo pjesa e kulturës”, ia ka kthyer ministri Peci.

Pas këtij incidenti ka ardhur edhe reagimi i ministrit Peci, i cili ka deklaruar sesa të jetë ai në detyrë, askush nuk do të mund të vjedhë në Ministrinë e Bujqësisë.