Dështon evakuimi, avioni largohet nga Kabuli pa asnjë pasagjer

Një aeroplan ushtarak i dërguar në Kabul nga Holanda për të evakuuar qytetarët holandezë të ndodhur atje u detyrua të ngrihej pa asnjë pasagjer në bord mes skenave kaotike në aeroport të martën. “Kishte shumë pak kohë“, i tha ministri i Jashtëm Sigrid Kaag.

“Kishte shumë njerëz në portat e aeroportit, me fëmijët e tyre dhe me familjet e tyre. Është e tmerrshme. Ne jemi përsëri në kontakt me qytetarët holandezë atje. Në këtë rast, ne po flasim vetëm për evakuuesit holandezë dhe me shpresë, situata do të jetë më e mirë nesër. Ne, dhe vendet e tjera evropiane, jemi të fokusuar në vendosjen e qartësisë se si menaxhohet procesi përreth aeroportit”, tha ministri.

Mësohet se avioni kishte qenë në tokë për gjysmë ore para se të nisej pa asnjë pasagjer. Ministria e Punëve të Jashtme tha të Mërkurën se ka shtetas holandezë në fluturime të tjera evakuimi që janë nisur nga Kabuli.