Djali çon të ëmën në varreza me biçikletë, bën 5 kilometra zbathur (VIDEO)

Britanikja “Mirror” sjell historinë e Sarojit, një djalë adoleshent 17 vjeç, që ka transportuar nënën e tij të vdekur në varreza me një biçikletë pasi fqinjët refuzuan t’a ndihmonin. Saroj eci për 5 kilometra, i zbathur dhe kur mbërriti tek varrezat, hapi edhe vendin e një varri i vetëm.

Saroj nga Karlabahali, Odisha në Indi, është tashmë jetim pasi edhe i ati i kishte vdekur kur ishte 7 vjeç. Mamaja e tij kishte humbur jetën teksa po shkonte për të mbushur ujë. I biri shkoi t’iu kërkonte ndihmë fqinjëve por ata nuk e ndihmuan, sepse ata vinin nga një kastë më e ulët.

Dalit, ose siç njihet ndryshe sistemi i kastës në Indi ka më shumë se 3 mijë vite që është aktiv. Hindutë ndahen në grupe hierarkie dhe sistemi përdoret gjerësisht edhe sot, pavarësisht se ndalohet nga Kushtetuta indiane që prej vitit 1950.