Ekipet e shpëtimit në Kolumbi vijojnë kërkimet për të mbijetuar pas tërmetit me magnitudë 7.4 që goditi vendin të hënën. Të paktën 224 persona kanë humbur jetën, ndërsa rreth 3 mijë të tjerë rezultojnë të zhdukur.
Cali dhe Pereira janë ndër zonat më të prekura, ku dhjetëra ndërtesa janë shembur. Në Cali janë konfirmuar të paktën 85 viktima, ndërsa ekipet e emergjencës kanë shpëtuar 37 persona nga rrënojat.
Shpresat për të mbijetuar mbeten të gjalla pasi një 35-vjeçar u nxor nga rrënojat pothuajse 24 orë pas tërmetit. Edhe qytetarët janë përfshirë në operacionet e shpëtimit, duke ndihmuar në nxjerrjen e disa personave të gjallë.
Autoritetet paralajmërojnë se bilanci i viktimave mund të rritet, ndërsa ekipet vazhdojnë punën kundër kohës për të gjetur personat e bllokuar.