Eksperti i terrorizmit paralajmëron për rrezik në Europë

Pasiguria që ka rrethuar Europën, nisur nga sulmet e ISIS ka vend për tu shqetësuar. Të tillë alarm e jep koordinatori kundër terrorizmit në Holandë, i cili ka vlerësuar se organizata terroriste Shteti Islamik ka ndërmjet 60 dhe 80 operatorë në Europë për të përgatitur dhe kryer sulme terroriste.

Koordinatori Kombëtar i Kundërterrorizmit dhe Sigurisë në Holandë Dik Shof tha se ISIS ju ka thënë mbështetësve në Europë “që të mos vijnë në Siri, por të bëhen gati për sulme në Europë”.

Ai pohon gjithashtu edhe se Europa ka pasur sukses në uljen e numrit të luftëtarëve të mundshëm të ISIS-it që udhëtojnë në Lindjen e Mesme, në vitet e fundit, por “kjo nuk do të thotë se kërcënimi i mundshëm i atyre që do të mund të udhëtonin është zhdukur”, shkruan Rel.

Mesazhi i tij si shenjë paralajmërimi, është se suksesi në çrrënjosjen e luftëtarëve të ISIS-it në Irak dhe Siri po i shpërndanë militantët gjithandej botës. Ai vlerësoi se rreth 4 mijë deri në 5 mijë Europianë aktualisht luftojnë me ISIS-in në këto dy shtete.