Elefanti në cirk rrëzohet tek publiku, gati shkakton tragjedi

Një shfaqje cirku me elefantë në Gjermani gati ka përfunduar në tragjedi. Tre kafshë që mbanin performuese femra u drejtuan për tek turma, por fatmirësisht nuk ka patur asnjë të lënduar.

Një video amatore e publikuar shfaq momentin kur ata afrohen tek publiku dhe njëri rrëzohet. Elefanti që u rrëzua nuk u dëmtua pasi dy të tjerët e ndihmuan të ngrihej në këmbë.

Stafi i cirkut në Osnabruck i ka kërkuar falje audiencës duke thënë se gjëra të tilla ndodhin. Ndërhyrja e menjëhershme e trajnerëve bëri që situata të kontrollohej dhe shfaqja të vazhdonte sërish pas pak minutash pushim.

Cirku “Evolution” ka filluar një turne në 30 qytete të Gjermanisë, dhe ky është rasti i parë që ka ndodhur një gjë e tillë..

/