Miliarderi Elon Musk ka reaguar me ironi pas humbjes së republikanëve në zgjedhjet e mesmandatit në SHBA, duke publikuar një koment sarkastik në rrjetin social X.
Musk, i cili shpenzoi qindra miliona dollarë për të mbështetur fushatat zgjedhore të kandidatëve konservatorë, ironizoi rezultatin, duke iu referuar edhe humbjes së kandidatit republikan Ken Paxton në garën për Senatin në Teksas.
“Kam përshtypjen se ndërhyrja ime me lazer hapësinor në zgjedhje nuk funksionoi këtë herë”, shkroi drejtori ekzekutiv i SpaceX.
Komenti i tij vjen pas fitores së demokratit James Talarico në Teksas, i cili arriti të mposhtë kandidatin republikan Ken Paxton, një aleat i afërt i presidentit Donald Trump.
Rezultati shënon fundin e një periudhe prej më shumë se tri dekadash dominimi republikan në garat për Senatin amerikan në këtë shtet.
Musk kishte qenë një nga mbështetësit financiarë më të mëdhenj të fushatave konservatore, ndërsa angazhimi i tij në zgjedhje ishte vënë në qendër të vëmendjes për shkak të shumave të konsiderueshme të investuara në mbështetje të kandidatëve republikanë.